ស្លាប់៣នាក់ និងរបួសធ្ងន់២នាក់ ក្នុងករណីគ្រោះថ្នាក់ចរាចរណ៍ នៅក្រុងបាវិត
04-July-2019 | ដោយ ពលមនសិការ
ស្វាយរៀង៖ យ៉ាងហោចណាស់មនុស្ស៣នាក់បានស្លាប់ភ្លាមៗនៅកន្លែងកើតហេតុ ក្នុងនោះមានជនជាតិចិន២នាក់ និងរបួសធ្ងន់២នាក់(ជនជាតិចិន)ក្នុងឧបទ្ទវហេតុគ្រោះថ្នាក់ចរាចរណ៍រវាងរថយន្តបុករថយន្ត។
ហេតុការណ៍គ្រោះថ្នាក់គួរឱ្យរន្ធត់ខាងលើបានកើតឡើងកាលពីថ្ងៃទី០៣ ខែកក្កដា ឆ្នាំ២០១៩ វេលាម៉ោង២៣នឹង៣០នាទី ស្ថិតលើផ្លូវជាតិលេខ១ ចន្លោះគីឡូម៉ែត្តលេខ១៥៩-១៦០ ក្នុងភូមិត្រពាំងផ្លុង សង្កាត់បាទី ក្រុងបាវិត។
មន្ត្រីនគរបាលចរាចរខេត្តស្វាយរៀងបានឱ្យដឹងថាក្នុងហេតុការណ៍គ្រោះថ្នាក់នោះបណ្តាលឲ្យស្លាប់នៅកន្លែងកើតហេតុ ០៣នាក់ អ្កបើកបររថយន្តម្នាក់ ជានគរបាលខេត្តកណ្ដាល និងជនជាតិចិន២នាក់(ស្រី) និងរបួសធ្ងន់០២នាក់(ប្រុស) ជនជាតិចិន។ រីឯរថយន្តម្ខាងទៀតក្រោយពេលកើតហេតុបានបើករត់គេចខ្លួនបាត់។ មូលហេតុអ្នកបើកបររថយន្តម៉ាកព្រួសប្រើប្រាស់ល្បឿនលឿន។
បច្ចុប្បន្នអ្នករបួសធ្ងន់ទាំង០២នាក់ បានបញ្ជូនទៅព្យាបាលនៅមន្ទីរពេទ្យបង្អែកខេត្តស្វាយរៀង និងសព០៣នាក់បានយកទៅតម្កល់ទុកនៅវត្តពោធិថ្មី(ហៅវត្តបាវិត) ដើម្បីរងចាំប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី។មធ្យោបាយសមត្ថកិច្ច យកមករក្សាទុកនៅអធិការដ្ឋាននគរបាលក្រុងបាវិត ដើម្បីបង្កសំណុំរឿងចាត់ការតាមនីតិវិធី ៕
ចំនួនអ្នកទស្សនា
- ថ្ងៃនេះ12041
- ម្សិលមិញ14181
- សប្តាហ៍នេះ12041
- ខែនេះ127191
- ឆ្នាំនេះ127191
- សរុប20569647